«

mar 29 2016

Jounen asenisman nan Kabare! – 27 mas 2016

« Depi nou vle, nou ka fè anpil bagay », se sa jèn nan legliz advantist Mitspa yo te pwouve pandan yo te rann posib jounen « assainissement » an nan vil Kabarè jodi a.

12495144_429615753875824_8810442731257368523_nLi te anviwon 8h 00 nan maten lè jèn yo tap kite legliz la aprè devosyon, pèl ak pikwa sou do, bale ak rato nan men, san kote bourèt ki te disponib, pou yo pran direksyon plizyè zòn nan vil la.

Rive sou plas, fatra pat menm gentan mande sa yo pot pou vann, jèn yo te gentan simen kout bale sou yo, kase tèt yo ak kout pikwa epi ramase ak pèl met nan bourèt pou al jete yo.

Jèn yo te san pitye pou tout vye debri ki tap taye banda nan vil la. Pat gen dènye chans pou vye sachè, boutèy plastik ak vye bwat katon ki panse se yo ki te sèl kòk chante nan kanton an.

Sa te vrèman tris pou ma labou ki tap pawaze devan je tout moun. Se te yon evenman « extraordinaire »!!!

12376622_429615783875821_5937230831735933682_nSe avèk anpil plezi jèn yo tap kwape fratra nan kap pran plezi nan figi tout moun. Men sa pat rete la: yo te tou pwofite pataje mesaj twa zanj yo pandan yo tap lonje yon fèy papye bay chak moun ki te pase kote yo… se te yon bèl anbyans!!!

Travay sa te fini preske a 2h pm, kote aprè yon demi jounen travay, jèn yo te rantre legliz la pou al pran kichoy met nan vant yo. Sa te pase très byen ak Jezi!!!

Pandan nap preche mesaj la, nap prepare nou pou retou Jezikri a pandan nap netwaye anviwonnman nou pou nou ka rete an sante, e nou kwè nou ka genyen yon lòt Ayiti nan pwòpte…!!

 

Voir plus de Photos.

Watson Calixte

Hit Counter provided by technology news